Копія: ЦДІАУК, ф.38, оп.1, спр.38, ст.281-284;
Actum in castro Camenecensi Podoliae, feria sexta post dominicam Judica Quadragesimalem, anno Domini 1646.
Nobilis Charzowski de jure suo magnifico Lanckoronski, capitaneo Scalensi, cedit.
Nobilis Semko Charzowski, olim nobilis Iwachno Charzowski, nobilis olim Petri Charzowski Procenia nuncupati filius, filius et successor unicus, sanus recedendo recognovit.
Quia ipse de omni et integro jure suo, videlicet de intercisa certa inter praefatum olim nobilem Iwachno Charzowski parentem suum, seu praefatum olim nobilem Petrum Charzowski Procenia nuncupatum, aream suam ab una, et magnificum olim Stanislaum de Brzezie Lanckoronski, subsequenti tempore palatinum Podoliae, ex altera parte, ratione certarum rerum et conditionum in eadem expressarum, actu et data ipsius hic Cameneciae, feria quarta post festum Sancti Stanislai in Maio, anno Domini millesimo sexcentesimo undecimo factarum, vadio duorum millium florenorum pecuniae polonicalium firmatarum, actisque terrestribus Camenecensibus Podoliae roborata,
tum et de aliis omnibus intercisis, contractibus, inscriptionibus inter eundem magnificum olim palatinum Podoliae et praedecessores suos in eisdem contractibus expressis, ratione bonorum villae Charzowce modo quovis confectis, actisque quibusvis Regni roboratis,
nec non de summis in eisdem contractibus contentis, pro interesse sui recognoscendis, servitiis et pertinentiis, tum et de ipsis inscriptionibus roboratoriis, prout eadem inscriptiones, intercisae, contractus ac ipsorum inscriptiones roboratoriae latus praemissa in se obloquuntur, cum omnibus easdem intercisam ac ipsas roboratorias inscriptiones conditionibus etc., nihil sibi suis successoribus in praemissis reservando,
jam ex nunc et de facto magnifico Stanislao in Brzezie Lanckoronski, Scalensi etc. capitaneo, accepta ab ipso pro praemissis sufficienti satisfactione, cedit, omnesque et integrum hoc idem jus suum ac competentias praemissas in personam ejusdem magnifici capitanei Scalensis et ipsius successorum transfert et transfundit plenarie et ex integro,
nec non et de haereditate sua bonorum praefatorum villae Charzowce sortium suarum totam et integram in manus praedicti magnifici capitanei Scalensis cessionarii sui condescendit, atque inscriptionem donatoriam coram actis terrestribus Camenecensibus Podoliae super bona seu sortes villae praedictae Charzowce praefato olim magnifico Stanislao Lanckoronski per antecessores suos factam et recognitam in toto approbat et confirmat, dans et concedens etc.
Intromissionem ex nunc admittit, tuebitur ab omnibus impedimentis ex re et persona sua suorumque successorum ratione praemissorum emergentibus, sub vadio similis summae duorum millium florenorum pecuniae polonicalium, pro quo citatus existens coram officio praesenti castrensi capitaneali Camenecensi respondebit peremptorie.
Recognoscens scribere ignorat.
Немає коментарів:
Дописати коментар